2395

Боловсролын зөвлөлийн гишүүн Э.Энхпүрэв: Багшийн ажлыг хүний оролцоогүй үнэлье.

UB Info

Боловсролын зөвлөлийн гишүүн Э.Энхпүрэв багш нарийн баярыг тохиолдуулан багшийн ажлын үнэлэгээг хүний оролцоогүй хийдэг болгоё гэж уриалга гаргалаа. Үүнийг хийхдээ технологийн ухаалаг шийдэл ашиглаж хийх шийдэл дэвшүүлсэн байна:

Нийт багш нартаа багш нарын баярын мэндийг хүргэе!

Багш нарын баярын өдөр болж буй учраас та бүхэндээ өөрийн хэдэн саналаа хэлмээр санагдаж байна. Багш нарын баярын өдөр гэдэг бол нэг утгаараа “баяр” нөгөө утгаараа “эрх үүргийг тодорхойлох” ийм өдөр гэж би ойлгож байна. Миний хэлэх гэж байгаа санаа бол саяхан та бүхэн багшийн гүйцэтгэлийн үнэлгээнд үнэлэгдсэн. Зарим нь сайн, зарим нь муу үнэлэгдсэн гээд янз бүр үнэлэгдэж байгаа. Би бодохдоо багшийг үнэлэхдээ хүний оролцоогүй үнэлдэг. Аливаа нэг хүний оролцоогүйгээр технологийн асуудлаар шийдэж багшийг үнэлдэг.

Тэр үнэлгээ нь юу вэ? гэхээр сурагчийн сурлагын ахицын амжилтаар нь. Нэг ёсондоо тухайн суралцагчийг ямар байсан түүнээс нь ямар хэмжээнд амжилттай сайн сургасан гэдгээр нь үнэлдэг. Зөвхөн энэ л бол багшийн ажлын гол хэмжүүр шалгуур үзүүлэлт гэж миний хувьд бодож байна. Ингэхийн тулд багш нараар үндсэн ажлыг нь хийлгэдэг байя. Олон бичиг цаасны ажлууд, олон тайлан мэдээг дээш нь сургууль болон аймаг дүүргийн боловсролын газар, яам руу явуулдаг.

Үүнийг одоо болъё оо! Багш зөвхөн хичээлээ л заадаг байя! Хичээлээ заагаад дууссаны дараа гэртээ хариад амардаг байя. Тэгэхгүй олон хүүхдийн дэвтрийг бариад 40, 50 хүүхдийн гэрийн даалгаврыг шалгаад сууж байх нь өнөөгийн XXI зууны үед бол технологи ашиглаж бүрэн шийдчихнэ. Тийм учраас энэ бол гэртээ хариад амардаг, нийгмийн дарамтгүй, айдасгүй үндсэн ажлаа “Аз жаргалтай” хийдэг байя. Энэ уриалгыг та бүхэнд дэвшүүлж, энэ зорилгын төлөө хамтдаа бүгдээрээ хичээн ажиллая хэмээн бодож байна.


САНАЛ БОЛГОХ
Та утсандаа UB Info апп суулгаад мэдээгээ утаснаасаа уншаарай
Засгийн газрын мэдээ