С.Бямбацогт: Үндсэн хуульд өөрчлөлт оруулах зайлшгүй шаардлагатай
Ажлын хэсэг энэ намрын чуулганд багтааж дүгнэлтээ гаргана
Засгийн газрын хуралдаанаас Үндсэн хуульд нэмэлт, өөрчлөлт оруулах, эсэх асуудлыг судлах Ажлын хэсэг байгуулахаар шийдвэрлэсэн. Энэ талаар Хууль зүй, дотоод хэргийн сайд С.Бямбацогтоос дараах зүйлийг тодрууллаа.
-Үндсэн хуульд нэмэлт, өөрчлөлт оруулах, эсэх асуудлыг судлах Ажлын хэсгийг ахлаж ажиллахаар боллоо. Үндсэн хуульд нэмэлт, өөрчлөлт оруулах зайлшгүй шаардлага байгаа гэж харж байна уу?
-Үндсэн хуульд нэмэлт, өөрчлөлт оруулах шаардлагатай, эсэх асуудлыг судлаж, санал дүгнэлтээ Засгийн газарт танилцуулах үүрэг бүхий Ажлын хэсгийг байгуулахаар боллоо. Ажлын хэсгийг Засгийн газрын Хэрэг эрхлэх газрын дарга Ж.Мөнхбат бид хоёр хариуцаж ажиллахаар болсон. МАН-ын болон Засгийн газрын үйл ажиллагааны мөрийн хөтөлбөрт Үндсэн хуульд нэмэлт, өөрчлөлт оруулахаар тусгасан байгаа. Гэхдээ энэхүү асуудлыг ард түмнээсээ асууж шийдэхээр тусгасан. Шинэ Үндсэн хууль батлагдаад 24 жил өнгөрч байгаа. Энэ хугацаанд Үндсэн хуулийн алдаа болон онооны талаар ард иргэд маань тодорхой ойлголттой болсон. Үндсэн хуульд өмнө нь ч өөрчлөлт оруулж байсан.
Тухайлбал, 2000 онд дордуулсан долоон өөрчлөлт хэмээн нэрлэгддэг өөрчлөлтийг хийсэн байдаг. Энэ мэт зүйлээс эхлүүлээд засаж, сайжруулах зүйл байгаа гэж 2008 оноос хойш ярьж байна. Энэ хүрээнд ч Үндсэн хуульд нэмэлт, өөрчлөлт журмын тухай хуулийг баталсан. Ингэснээр Үндсэн хуульд нэмэлт, өөрчлөлт оруулахад босго, шалгуур нь өндөр болсон. Тухайлбал, Үндсэн хуулийг УИХ-ын нийт гишүүний 57 буюу гуравны хоёроос дээш саналаар өөрчлөхөөр болсон гэсэн үг. Засгийн газраас байгуулагдсан Ажлын хэсэг Үндсэн хуульд нэмэлт, өөрчлөлт оруулах зайлшгүй шаардлага байгаа, эсэхийг судална.
-Үе үеийн парламентад Үндсэн хуульд нэмэлт, өөрчлөлт оруулах Ажлын хэсгийг байгуулж байсан. Гэхдээ үр дүнд хүрч байгаагүй. Үнэмлэхүй олонхыг бүрдүүлж байгаа МАН энэ удаад Үндсэн хуульд нэмэлт, өөрчлөлт оруулж чадах уу?
Төрийн тогтолцоо асуудалтай, эрх мэдлийн хуваарилалт оновчтой бус байна
- Шинэ
- Их уншсан
- Их сэтгэгдэлтэй