Forbes Mongolia Awards 2019 бизнесийн шилдгүүдийг тодрууллаа

Forbes Mongolia сэтгүүл гадаад ертөнцийн эдийн засаг, бизнесийн мэдээ мэдээллийг эх орондоо түгээхээс гадна, олон улсын зах зээлд Монголын бизнесүүдийг таниулдаг гүүр болдгоороо үнэлшгүй ач холбогдолтой. Сингапурт төвтэй Forbes Asia сэтгүүлээр дамжуулан Монголын Макс групп, LendMN, Lhamour зэрэг брэнд гадны хөрөнгө оруулагчдад хүрч байсан удаатай.

Forbes Mongolia сэтгүүлийн эрхлэн гаргагч Э.Долгион нээлтийн үеэр “Монголын ТОП 30 компани улсын нийт татварын орлогын талаас илүү хувийг бүрдүүлдэг. Бизнес нь өөрөө ажлын байр бий болгож, улсын хөгжилд томоохон хувь нэмэр оруулдаг чухал салбар юм. Forbes сэтгүүлийн нэг үүрэг нь тэдгээр бизнес, энтрепренерүүдийг дэмжиж, олонд таниулахад чиглэдэг. Монголын бизнес өрсөлдөх чадвартай, олон улсын түвшинд хүрсэн байна” гэсэн юм.

Mongolian marketing consulting group-ийн судалгаанд дөрөвдүгээр сарын байдлаар дотоодын сэтгүүлийн зах зээлийн хүртээмжээр Forbes Mongolia тэргүүлж байна.

Forbes Mongolia Awards-2019 олон улсын стандарт хангасан, хараат бус шалгаруулалтаар Монголын шилдэг 19 байгууллагыг шалгарууллаа. Худалдаа, үйлчилгээ, хөдөө аж ахуй, соёл, боловсрол, даатгал, бүтээн байгуулалт гээд салбар бүрийн шилдгийг нэрлэснээс гадна шилдэг франчайз нэвтрүүлэгч, энтрепренер, шилдэг өсөлттэй компани шалгаруулсан юм. Түүнчлэн дэлхий нийтээрээ хэрэгжүүлж буй тогтвортой хөгжлийн зорилгыг хангасан, нийгмийн хариуцлагатай компани, байгальд ээлтэй шилдэг санаачилгыг тодруулж алдаршууллаа.

Forbes-ийн жагсаалтад багтсан компаниудын бизнесийн нэр хүнд Монголдоо тэргүүлэх чиглэлд хүргэдгээс гадна дэлхийн зах зээлд танигдаж, бизнесийн хүрээгээ тэлэх том боломж гэж оролцогчид харж байна.

Шилдэг энтрепренер: "Алтай холдинг" ТУЗ-ийн дарга Б.Баттүшиг

Хөдөө аж ахуйн шидэг компани: "Гацуурт" ХХК

Хөдөө аж ахуйн шилдэг технологи: "Батзол" ХХК

Шилдэг өсөлт үзүүлсэн компани: "Сэрүүн" ХХК

-Аливаа бизнес хэдийгээр ашиг орлогыг чухалчилдаг ч нийгмийн хариуцлагаа хэрэгжүүлэхийг гол зорилго болгодог боллоо. Манай компанийн хувьд мобайл сүлжээг хөгжүүлэхээс гадна нийгэмдээ хувь нэмэр оруулах ёстой гэж үздэг. Бизнесийн боломж гэдэг нь зөвхөн мөнгөн дүнгээр илэрхийлэгддэггүй. Бид сүлжээгээ ашиглан боловсрол, хүүхэд хамгааллын талаар мэдээлэл түгээхээр төлөвлөсөн. Мөн төрийн болон ТББ-тай хамтран орон нутгийн иргэдэд энэ чиглэлийн мэдээллийг түлхүү хүргэхээр зорьж байна. Жил бүр энэ салбарт хариуцлагатай ажиллах болно.

-“Номин” сүүлийн гурван жилд хамгийн их и-баримт хэвлэсэн байгууллагаар шалгарч, холбогдох яамны сайдаас шагнал авч байлаа. Сүүлийн гурван жилд 350-аад тэрбум төгрөгийн татвар төлсөн. Манайд 360 гаруй мянган карт эзэмшдэг үйлчлүүлэгч бий. Худалдан авагчдаас гадна 10 мянга гаруй бараа нийлүүлэгчтэй хамтран ажиллаж байна. Дотоодын үйлдвэрлэгчдийг дэмжиж ажилладагтаа баяртай байдаг.

-Монголын компаниудын дунд эрүүл өрсөлдөөн явуулж, олон улсын стандарт оруулж ирж буйд талархаж байна. Монголын компаниудад нийгмийн хариуцлагаа ухамсарлах, эрүүл мэнд, боловсрол, спортын салбарын хөгжлийг тэтгэхэд идэвхжүүлж өглөө. Forbes Mongolia сэтгүүлийн хамт олонд талархснаа илэрхийлье гэсэн юм.

-Манай “Монос” группийн эмийн үйлдвэрлэл 2009 оноос эхэлсэн. Европын Сэргээн Босголт Хөгжлийн банктай хамтарч ажилласан төсөл 2016 он хүртэл үргэлжилсэн. Дэлхийн GMP стандарт, ISO лабораторийн 17025 стандарт гэх мэт шаардлагуудыг хангасан тул экспортод гаргах бүрэн боломжтой. Цаашдаа таван охин компаниа GMP стандартад хүргэх зорилготой байна. IPO гаргасан “Монос хүнс” ХК-иараа дамжуулан Зүүн өмнөд Азийн орнуудад бүтээгдэхүүнээ экспортлохоор ажиллаж байна. “Монос косметик” компани гоо сайхны бүтээгдэхүүнээ урд хөрш рүү экспортлохоор судалж байна. Экспортод чиглэсэн энэ гурван үйлдвэрлэгчээ IPO гаргаж, олон нийтийн компани болгоно.

-Бид “Жорлонгоо өөрчилье” төслийг эхлүүлээд 18 сарын нүүр үзэж байна. Судалгаанд маш их хугацаа зарцууллаа. Монгол өвлийн улиралтай учраас олон улсын стандартын нийтлэг шийдэл тохирдоггүй. Хөрс, усны бохирдолтой тэмцэхэд маш олон жорлонг өөрчлөх шаардлагатай байна. Тиймээс бид хамгийн хямд үнээр олон жорлонг өөрчлөх хувилбар гаргаж чадлаа. Олон улсын байгууллагуудад илтгэл тавьж, төслөө танилцуулсан. Байгальд ээлтэй хэрэглэгчийг олноор бий болгох суурийг тавихаар төслийнхөө хоёрдугаар шатыг эхлүүлж байна.