Японд "Prius" борлуулалтаараа тэргүүлэв
Японы автомашины дилерүүдийн холбоо (JADA), Японы мини автомашины холбоо (JMVA) хамтран тус улсад 2016 онд борлогдсон автомашины статистик тайлан гаргалаа. Уламжлал ёсоор уг статистикийг ердийн хөнгөн тэрэг, кэй автомашин гэсэн хоёр ангиллаар гаргажээ.
Ердийн хөнгөн тэрэгний ангиллын жагсаалтыг "Toyota"-ийн "Prius" загвар 248258 ширхэг зарагдсан амжилтаар дахин тэргүүллээ. "Prius" нь 2012 онд Японы хамгийн өндөр борлуулалттай загвараар шалгарсаныхаа дараа гурван жил дараалан хоёр, гуравдугаар байр эзэлж ирсэн юм. Харин 2015 оны хамгийн борлуулалт сайтай загвараар шалгарсан Toyota Aqua хоёрдугаар байранд ухарлаа. Уг загварыг Японд 168208 ширхэгийг борлуулсан байна. Гуравдугаар байранд 125832 ширхэг зарагдсан "Toyota"-ийн "Sienta" загвар шалгарсан байна. Дөрөв, тавдугаар байрыг "Honda"-ийн "Fit", "Nissan"-ийн "Note" загвар эзэлжээ.
Тус улсад урт нь 3.4 метрээс, өргөн нь 1.48 метрээс үл хэтрэх, 660 шоо дөрвөлжин сантиметрээс доош багтаамж бүхий 64 морины хүчээс үл хэтрэх хөдөлгүүртэй автомашиныг “кэй” гэсэн ангилалд багтаадаг. Өнгөрсөн оны хамгийн борлуулалтай кэй загварын жагсаалтын эхний гурван байрт "Honda N-BOX", "Daihatsu Tanto", "Nissan DAYZ" загвар шалгарлаа. Энэ гурван загвар нь 2015 онд мөн л эхний гурван байрыг эзэлж байжээ.
- Шинэ
- Их уншсан
- Их сэтгэгдэлтэй